Սևուկ ամպեր վար եկան
Օրան, օրան,
Սարի վրա շար եկան։
Ծագեց առավոտ
Պաղեց, սառավ օդ։
Գոռաց երկինք, բուք արավ,
Հևաց, հևաց.
Ծերուկ երկիր սուգ արավ։
Ճաքեց հեռուն ամպ,
Երկիր դողաց-բա՛մբ։
Բողբոջ արև շող կապեց,
Դողաց, սողաց,
Արյուն-ամպից քող կապեց։
Վառեց լեռան լանջ,
Լեռան ցավատանջ։
Տեղաց անձրև մաղ տալով,
Մարմանդ-մարմանդ,
Հոգնած տերև շաղ տալով։
Առաջադրանքներ
1. Կարդա՛ բանաստեղծությունը և նկարի՛ր քեզ ամենից շատ դուր եկած հատվածը։
2. Բացատրիր արտահայտությունները
վար եկան-իջան
շար եկան-շարվեցին
մաղ տալ-մաղել
շաղ տալ-տարածել
քող կապել-ծածկել
3. Փորձիր քո բառերով պատմել բանաստեղծությունը։
Բանաստեղծությունը նկարագրում է աշնան մի օր, երբ անձրև է գալիս, երկնքում կայծակ է, չորացած տերևները թափվում են։
4 . Գրի՛ր տրված բառերի հականիշները:
վար-վեր
պաղել-տաքանալ
հեռու-մոտ
վառել-հանգցնել
5. Դուրս գրիր բանաստեղծության այն տողերը, որոնց մեջ գույն կա։